“Grabe naman magalit ang lalakeng ‘yon. Kaya kita mas kinampihan kasi… nadadamay na ang bata. Kung hindi lang nadadamay ang baby mo, baka mas pabor pa ako kay Gideo pero ang sama n’yang talaga. Hindi na kailangan na saktan ka pisikal lalo na’t may baby diyan sa sinapupunan mo. Delikado pa naman ang first trimester ng pagbubuntis dahil hindi pa malakas ang kapit ng fetus o nagdedevelop pa nga lang 'yan.”
Nilapat ko naman ang kaliwang palad ko sa ibabaw ng aking tiyan. Marahan kong hinimas-himas ‘yon.
“Thank God, walang nangyaring masama sa ‘yo… Hindi ko mapapatawad ang sarili ko ‘pag nagkataon…” Hindi ko itatanggi na sobrang nagaalala ko nu’ng binubugbog ako ng mga hayup kong kapatid.
“Napuruhan ng husto ang mukha ko na parang hindi na ako makikilala…”
“Hindi naman. Si Devillaine ka
