DEVILLAINE ROMO FIACRA
Wala akong ibang ginawa ‘kun ‘di i-comfort si Jessie. Wala kaming naririnig na ingay, tanging ang kan’yang impit na mga hikbi na umuugong sa buong silid. Minsan na nga lang s’yang ma-in love, sa maling tao pa at traidor pa.
Hindi pa naman ako nakaranas na ma in love ng todo pero nasasaktan ako para kay Jessie. Pinaiyak lang s’ya ng walang kuwentang lalake. Alam ko ang pakiramdam n’ya ngayon kung gaano kasama dahil ang taong minsan naming pinagkatiwalaan, sungayan pala. Ang hindi ko talaga nagustuhan sa mga narinig ko mula kay Harold kanina, ‘yong alam na n’yang safe s’ya, kumapi pa talaga sa kalaban.
Hindi naman s'ya mapapano rito dahil nasa kampo na s'ya ng organisasyon ni Boss Kruger pero nasasayangan siguro sa ranggo n'ya.
Takot din pala mamatay dahil sa hu
