“Akala ba naman n’ya, kapatol-patol s’ya.”
"Maganda s'ya pero, halerr? Hindi pa rin pasok sa taste ni Boss."
“Kawawa ang anak n’yan pag laki.”
"Inuna pa kasi ang landi, sa maling tao pa. Overconfident."
“Tama!” Samo’t saring panghuhusga ang naririnig ko aga-aga.
Suki na ako ng mga chismosa rito. May natitira pa naman akong lakas ng loob kaya binabalewala ko na lang ang mga komento nila sa ‘kin. Kung didibdibin ko pa, ma-s-stress lang ako. Madagdagan lang ang mga iniisip ko.
Huminga ako ng malalim. Tumigil ako sa harapan ng desk. Hinila ang attendance form palapit sa ‘kin at kinapitan ang ballpen. Sinimulan ko na’ng isulat ang pangalan ko. Naalala ko bigla na napapangitan ang gurang sa birth name ko. Kasing pangit daw ng ugali ko. Hindi naman ako nag-protesta no'n dahil totoo naman
