MAGDAMAGAN ang event, pero hindi para sa birthday celebrant. May dalawang oras na marahil mula nang umalis si Senyora Cecilia at ang iba pang may edad na mga bisita. Naiwan naman sa resto-bar ang ilang mga bata-batang guests kabilang si Israel at ang girlfriend nito.
Tuloy lang ang aming trabaho. Ang kaibahan ngayon, hakot lang kami ng hakot ng mga inumin at inililibot sa mga bisita. Hindi namin kailangang mag-abot ng bill kapag may tatayo sa mesa nila. Natanggap na rin namin ang tip para sa performance namin kanina. Kung sa ibang pagkakataon, nagsasaya ako nang husto sa aking kinita. Hindi ko malubos ngayon ang tuwa dahil kahit anong busy ko, hindi ko maalis sa isip ko si Israel at ang nobya nito. Umiiwas akong makita sila, pero napapatingin pa rin ako.
“S’abi ko na nga ba na ikaw ‘ya
