PASADO alas ocho na nang magising ako. Medyo nagulat pa ako kaya napabalikwas sa higaan. Kumuha ako ng tuwalya. Maghihilamos at magtu-toothbrush lang muna ako dahil mamaya ko pa balak maligo.
Hindi na umulit ang lagnat ko sa lumipas na magdamag. Naglaho na rin ang masamang pakiramdam, pero gaya ng bilin ng doktor, kailangan ko pa ring tapusin ang pag-inom ng mga gamot. Sa oras na ito, dapat ay nakainom na ulit ako ng niresetang antibiotic sa’kin. Pero kailangan ko munang kumain kaya lumabas na ako ng kwarto at bumaba para tingnan kung anong almusal.
“Good morning.”
Mukha ni Israel ang unang bumungad sa akin pagbaba ko pa lang ng hagdan. Mabilis akong nagtakip ng harap gamit ang tuwalyang dala ko. Wala akong suot na bra at kahit maluwag ang kamisetang pantulog, pakiramdam ko ay bumabak
