LUMABAS ako ng resto-bar at naglakad papunta sa kinapaparadahan ng sasakyan ko. Ilang minuto pa lang mula nang dumating ako kanina. Ganitong oras talaga ako karaniwang pumupunta sa resto-bar maliban lang nitong nagdaang ilang gabi dahil sinusundo ko sa kanila si Andy. Hindi naman niya ako inobliga. Ginagawa ko 'yon dahil gusto ko at dahil nanliligaw ako sa kaniya. Pero kanina, hindi ako nakarating sa oras kaya hindi ko siya nasundo. Nagpunta na lang ako sa resto-bar, pero kararating ko nga lang ay mukhang aalis na rin agad ako. Nalaman ko kasi mula sa boss ni Andy na hindi pala ito nag-report sa trabaho. Tinanong ko ang dahilan, pero hindi raw alam ni Mrs. Lucas. Dumirecho ako sa malapit na kaibigan ni Andy na si Tintin. Ito ‘yong babaeng muntik kong masagi ng kotse sa kalsada at ipinagtan
