LUNES at sarado ang resto-bar mamayang gabi. Pasado alas cinco na ng umaga ako nakauwi kanina. Gaya ng dati, nadatnan kong gising si Israel. Ang kaibahan lang, hindi na kami nauuwi sa pagtatalo. Siguro dahil pareho kaming sawa na sa mga away. Kaya pagdating ko ay sasabihan niya lang ako na magpahinga na at iiwan na niya kami ni Jelo sa kwarto. Naisip ko tuloy na kung hindi lang nangingibabaw ang galit ko kay Israel, may chance siguro na magkasundo kami lalo na pagdating kay Jelo.
“I got worried when you didn’t answer my calls. Hindi ka rin nagre-reply sa mga texts ko. Kung hindi lang ako isinama ni Daddy sa Batangas, pupuntahan na dapat kita sa inyo.”
Magtatanghalian nang tawagan ako ni Jarmaine at ibinalita na kakauwi lang niya galing sa isang political summit na dinaluhan kasama ng
