INILAPAG ko ang cellphone ko sa bedside table at hinintay na mag-play ang voice message ni Jelo para sa Daddy niya.
“Hello, Daddy! Daddy… miss na miss na kita. Gusto na kitang makalaro. Gusto kong mamasyal ulit tayo kase ang saya-saya ko kapag kasama ko kayo ni Mommy…”
Tumingin ako kay Genesis. Siya ang kasama ko sa loob ng ICU kung saan tatlong araw nang nakaratay si Israel. Kanina lang ay katulong ako ng nurse sa pag-exercise ng mga binti niya. Kailangan daw iyon para maiwasan ang blood clot sa limbs ng pasyenteng comatose.
“Ang dami ko na palang stars na bigay ng teachers sa school, Daddy. Tinatago ko kase gusto kong makita mo. Uwi ka na po, Daddy. Gusto na kitang makita…”
Pinunasan ko ang luhang tumulo sa aking magkabilang pisngi bago kinuha ang cellphone at itinabi.
“Nalulungk
