“BAKIT po walang sinabi sa’kin si Daddy?”
“Biglaan kase, anak, kaya hindi namin nasabi sa’yo. Hindi na nga ako nakapagpaalam sa’yo, ‘di ba? Pasensiya ka na, anak, ha?”
“Kailan po kayo uuwi?”
“Hindi ko pa masasabi, anak. Hindi pa kasi… natatapos ang trabaho ni Daddy.”
“Gusto ko pong sumama sa inyo. Nalulungkot po ako kapag wala kayo.”
“Gusto rin namin ng Daddy na kasama ka, pero hindi ba kaka-start lang ng school mo? Baka ma-miss mo ‘yong mga bagong lessons. Hindi ba may promise ka kay Daddy na sisipagan mo ang pag-aaral?”
“Sana po matapos na ang work ni Daddy para makauwi na kayo pareho.”
“Oo, anak. H’wag kang mag-alala. Sasabihin ko kay Daddy mo bilis-bilisan niya para makabalik na kami. Okay ba ‘yon?”
“Okay po, Mommy. I love you po. I love you din po kay Daddy.”
“Mahal na mahal
