Gabi na nang makauwi ako galing sa pag-tu-tutor. Medyo kabado pa ako habang naglalakad, ngunit hindi naman ako nabigo nang sinabi nila ni Hanji, na hihintayin nila ako. Inaabangan nila ako malapit sa gate, habang kumakain sila ng street food. Inaanyayahan naman nila ako, kaya agad ko rin silang nilapitan. Medyo nakakaramdam narin ako ng gutom kaya nakikikain na rin ako.
“Ano ang pinag-usapan niyo?” tanong ko sa kanila.
“Pinag-usapan namin ang nalalapit nang field trip natin. Next week na ’yon,” ani ni Clarice habang patuloy sa paglamon.
Napaisip naman ako kung sasama ba ako sa field trip, o hindi. Hindi ko na talaga pinagtuonan ng pansin ang tungkol sa school field trip nang inanunsyo ito ng aming professor, nitong nakaraang araw. Semester break na kase simula bukas. Mas gusto ko na lam
