“KAMUKHA mo ang baby mo.” Nakangiti si Mommy habang pinagmamasdan ang anak namin. Agad silang bumisita sa akin nang malamana nilang nanganak na ako. Ito pa naman ang dahilan nila kaya sila bumalik sa Pilipinas. Para matulungan ako sa pag-aalaga ng anak ko at ipagtanggol sa Lola ni Isaac. Nagsusumbong kasi palagi si Lolo sa kanila kaya minadali nila ang pagbalik ng Pilipinas.
Nagkatinginan kaming dalawa ni Isaac. Hindi rin umalis sa tabi ko si Isaac mula ng manganak ako. Siya ang nagbabantay sa amin ng anak niya.
“Sigurado guwapo siya kapag lumaki dahil may Mommy siyang maganda.” Sabay tawa ko.
“Ate, bata pa naman ‘yan magbago pa ang itsura niya habang lumalaki,” sabat ni Hency.
Matalim ko siyang tinitigan. “Ikaw! Kung wala ka naman magandang sasabihin manahimik ka na lang.” inirapan ko
