"BAKIT ganyan ka makatingin sa akin?" tanong ko kay Isaac.
Nakauwi na kami ng condo niya pagkatapos ng dalawang araw naming pananatili sa mansyon nila. At sa dalawang araw na iyon naging saksi si Isaac kung paano ako tratuhin ng hindi maganda ng Lolo at Lola niya.
Dahil sa pakiusap ng magulang niya kaya tiniis kong hindi sila patulan. Ayoko rin naman maging dahilan ako ng maaga nilang pagkawala sa mundo dahil sa matinding galit sa akin.
"Tumawag sa akin si Lola at si—
"Hanggang dito ba naman pag-uusapan pa rin natin ang Lolo at Lola mo?" putol ko sa anumang sasabihin niya.
"Yumyum…"
Huminto ako sa pagkain at tinaasan ko siya ng kilay. "Alam mo Isaac, hindi ako pumayag na magpakasal sa iyo para insultuhin at apihin ng Lolo at Lola mo. Hindi ko ugaling maging bait-baitan sa mga taong a
