"BAKIT ba tayo nandito?" pabulong na tanong sa akin ni Rosie.
Nasa loob kami ng isang sikat na restaurant. Nakapuwesto kami sa kanang bahagi ng restaurant hindi kalayuan sa harap ng counter.
Nakasuot kami ng sombrero ni Rosie habang nakayuko at kunwari ay abala kami sa iniinom naming milk tea.
"Mamaya malalaman natin kung anong malalaman natin,"pabulong ko.
Sumimangot siya. "Ibig sabihin naghihintay tayo sa wala?"
"Not really, malakas ang kutob kong makikita ko sila rito."
"Sinong sila?" Mabilis pa niyang pinasadahan ang tingin sa paligid.
"Yung babae na baliw na baliw sa asawa ko."
"Sino si Christine ba?"
Tumango ako. Mula nang malaman kong pinupuntahan niya ang asawa ko sa hospital kung saan siya nagdu-duty. Hindi na napanatag ang loob ko. May tiwala ako kay Isaac, pero kay
