Tulala ako habang nakaupo sa kama kasama si Amber. Gusto kong umiyak pero mukang wala ng luha ang lalabas sa mata ko. Pagod na pagod na akong umiyak at gulong-gulo ako sa nararamdaman ko. Gusto ko itong takasan pero alam kong mali iyon, itakwil man ako nila Mommy at Daddy ay tatanggapin ko dahil kasalanan ko naman ang nangyari sa akin.
May kumatok sa pintuan ng kwarto ko at agad nilapitan ni Amber para mabuksan iyon. Nang makita ko si Klaus na may hawak na paper bag ay agad akong kinabahan dahil ayokong malaman niya na buntis ako. Natatakot ako na sabihin niya iyon kay Damon.
"Thanks Klaus," sabi ko at kinuha ang inabot niyang paper bag.
Binuklat ko iyon at nakita kong may Avocado cake roon. Hindi ko alam kung gutom na gutom ba talaga ako o dahil dalawa na kaming kumakain ngayon. Nilant
