Chapter Thirty Seven
KIEL
HINDI KO na alam ang naiisip ko. Hindi na rin ako makapagsalita dahil sa nalaman ko. Kinakabahan ako nang sobra.
“Boss, puntahan na natin siya,” suhestiyon ni Patrick at doon lang ako nagkaroon ng lakas ng loob para sumagot kaya naman agad akong sumang ayon kay Patrick.
“O..oo. Sa San Agustin iyon diba?” tanong ko.
“Oo boss. Tara na,”
Sinara na muna namin ang water station saka nagmadali kaming nagtungo sa bahay dahil yung sasakyan ang gagamitin namin para mas mabilis.
PAGKARATING ko sa bahay ay kaagad kong tinanong ang susi ng kotse kay Papa.
“O anak? Bakit ka nagmamadali? Saan ka pupunta?” nag aalalang tanong ni Mama.
“Ma, lulan po ng nadisgrasiyang bus si Sav at nasa hospital daw po siya ngayon sa San Agustin. Pupuntahan ko lang po,”
“Naku po Diyos ko
