Akhira's Pov
"A-akhira? Anong nangyari diyan sa mga mata mo?" nagugulat na si Manang ang napasukan ko sa kusina. Naka-upo lang ang matanda doon at tila hinihintay ang aking pagdating.
"Hindi ka ba nakatulog ng maayos? Bakit ganyan na ang pamumugto ng iyong mga mata?" Dagdag pang tanong ni Manang. Linapitan ako nito at sinalubong sa pagpasok ng kusina. Agad niyang kinuha ang kamay ko at iginaya pa-upo.
"Manang, ayos lang po ako. Ako na. Kaya ko na 'to," agad na pagpigil ko sa kanya nang akma na niyang lalagyan ng pagkain ang plato sa harapan ko. Pinanood niya akong maglagay ng pagkain kaya ngumiti ako sa kanya nang saglit na magtama ang aming mga mata.
"Ayos ka lang ba talaga?" Makulit na tanong ni Manang. Mahina akong natawa.
"Mukha ba akong hindi okay?" Pabalik na tanong
