Sa pagdaang ng mga buwan, naging madalas ang pagbisita ni Felicity sa buntis na kaibigan. Lagi siyang kinukulit nito at kung minsan pa'y si Elyana mismo ang naghahagilap sa kaniya sa kung saan-saan.
Walang kapaguran si buntis.
Pumupunta siya sa opisina anumang oras gustuhin at pabalik-balik na rin sa bahay ng mga Martincu upang tumambay at makipagkwentuhan tungkol sa pag-aalaga ng bata kina Eugene at Lea lalo na kapag naroon si Felicity.
Hindi na siya naiilang na iyon ang paksa, di gaya noon na iniiwasan niya at mas pinipiling lumayo kapag ganoon ang usapan nila.
Gustong-gusto rin naman ni Eugene na naroon si Elyana dahil kahit papaano ay nagagawa niyang matiyak na maayos ang apong nasa sinapupunan ni Elyana. Hindi lang niya masabi ngunit excited na siyang makita ang bagong apo sa pin
