“Baka naman matunaw na si Kuya Reedz niyan, Ate, kakatitig mo?” tudyo sa kaniya ni Gela nang bumalik sa deck ng yate.
Nakasakay na sila sa yate… mali ng isang superyacht pala dahil hindi lamang simpleng yate ang pag-aari ni Reedz na sasakyang pandagat. Isang superyacht pala dahil malaki, marangya, at mataas na kalidad ito.
Kilig na kilig sila ni Gela kanina nang sumakay sila. Hindi sila makapaniwala na makakasakay sila sa isang yate.
“Iniisip ko lang kasi kung kapani-paniwala bang karpintero siya? Tingin mo maniniwala sina Tita Doreen na karpintero siya?”
“Syempre hindi,” matapat na sagot ng kapatid sabay abot sa kaniya ng kinuhang soft drink in can sa kung saang parte ng yate. “Chocolate gusto mo? Imported, ‘Te.” Pagkatapos ay alok din nito sa malapad na bar ng cholate na hawak.
Umas
