“HINDI ka pa nahihilo sa dalawang ‘yan?” nangingiti pang tanong ni Maryey kay Chrislynn nang lapitan siya nito.
Kasa-kasama siya nina Mirakhel at Maryem sa playroom ng mga ito nang araw na iyon. Walang ginawa ang dalawa kundi ang maglaro sa tabi niya. Kung hindi naghaharutan ay panay ang takbo paikot sa kaniya.
“Hindi naman. Nakakatuwa nga silang dalawa. Masyadong hyper,” nakangiti niyang wika.
“Mamaya, bagsak agad ang dalawang ‘yan kapag nap time na nila.” Nang maupo si Maryey sa rug ay ito naman ang kinulit ng kambal. “Babies, ‘wag masyadong malikot.”
“Mama, kiss,” ani Mirakhel na nanghaba pa ang nguso. Mabilis naman itong hinalikan ni Maryey ng smack sa labi.
“Me too,” ungot ni Maryem na iniumang din ang nguso sa ina.
Napangiti si Chrislynn habang nakatitig sa mga ito. “Hindi hala
