ILANG araw ring pinag-isipan ni Chrislynn kung tatanggapin ang alok ng mag-asawang Delavin sa kaniya na magbakasyon muna siya sa Pagbilao City. At hayon ang magaling niyang boss, panay ang pangaral sa kaniya.
“Kapag hindi ka pa nakakapagdesisyon ay ako na ang mag-aayos ng mga damit mo at maghahatid sa iyo papunta sa Pagbilao City,” ani Sir Matheo. “Chrislynn, malay mo, makagawa ka ng magandang series na papatok sa sambayanan. Sobrang sikat ngayon ng mga UHB Men. Kung ma-i-inspired ka sa kanila at sa Pagbilao, puwede kang magsulat ng hango sa mga karanasan nila. Para true to life, siguradong papatok ‘yon,” susog pa nito sa kaniya.
Naririnig niya ang nasabing lugar pero hindi pa siya nakakarating doon dahil wala namang dahilan para mapadpad siya sa Quezon Province noon. At kung papayag nga
