NAGISING si Chrislynn sa sunod-sunod na katok sa pinto. Ipinapatawag na siya ni Tita Feli para sa tanghalian. Nakatulog pala siya. Hindi niya halos namalayan na tuluyan pala siyang iginupo ng antok kanina.
Bago lumabas sa silid ay dumiretso muna siya sa banyo para magbawas ng panubigan at mag-ayos ng sarili. Napangiti pa siya nang makita ang sariling repleksiyon sa salamin. Bakit pakiramdam niya ay masyado siyang blooming?
Hindi tuloy mabura ang ngiti sa labi niya habang hinahayon ang kinaroroonan ng komedor. Ngunit nang makarating siya sa komedor ay tuluyang nabura ang ngiti sa labi niya nang makitang may bisita ang pamilya ni Kirst. May dalawang bagong mukha ng babae roon. Ang mas bata ay katabi ni Kirst sa upuan. Habang ang may edad naman ay katabi ni Tita Feli.
Panay pa ang tudyo k
