BINAWI ni Chrislynn ang kamay niya na hawak ni Kirst nang mga sandaling iyon. May pagtataka sa guwapong mukha nito nang sulyapan siya.
Nag-iwas siya ng tingin. “Baka may makakita. Ma-issue pa tayo.”
“So? Ikinakahiya mo ba ako?”
Muli siyang napatingin kay Kirst. Malayo-layo na rin sila sa may fishpond na siyang pinanggalingan nila. “Kirst…”
“Unless, may type ka sa lugar na ito kaya ayaw mong magkakaroon ng issue sa akin.”
Huminto siya sa paglalakad. “Gusto mo ba talaga na hindi na ako makita?”
Nangingiti naman si Kirst at hindi nagpadala sa pagtataray niya rito. “Biro lang. Alam ko naman na ako pa rin hanggang ngayon.”
“Pinapaasa mo masyado ang sarili mo,” aniya na nagpatuloy sa paglalakad. Huminga pa siya ng malalim nang malampasan si Kirst.
“I’m not,” anito na muling umagapay sa p
