PINISIL-PISIL ni Chrislynn ang kaniyang hinlalaki. Kahit na ano’ng pigil niya ay kinakabahan pa rin siya. Anumang sandali ay mararating na nila ang bahay ng mga magulang ni Kirst.
Huminga siya nang malalim para lang kalmahin ang nagreregodon na puso. Kakaiba talaga ang kabang dulot ng muli nilang paghaharap ng mga magulang ni Kirst.
“Relax,” ani Kirst nang mapansin ang kaba na nakabalatay sa maganda niyang mukha.
Binalingan niya ang asawa. “Kinakabahan pa rin ako,” pag-amin niya rito.
“Don’t be nervous. Ako na ang bahalang mag-explain sa mga magulang ko ng tungkol sa atin. Leave it to me.”
Muli niyang ibinalik ang tingin sa labas ng bintana. “Para akong masusuka—”
“Buntis ka na?”
Bigla ay natawa siya sa sinabi ng kaniyang asawa. “Nasusuka ako dahil sa kaba,” pagtatama niya. “Hindi k
