PAGKALABAS ni Nastya sa banyo, sa kaniyang silid, naglakad siya palapit sa kinaroroonan ng bintana at hinawi ang heavy curtain na nakatabing doon na siyang sumasangga sa sikat ng araw. Ang silid kasi niya ay nakatapat sa sikatan ng araw.
Sandali pa siyang napapikit nang magliwanag lalo ang paligid niya. May kataasan na ang sikat ng araw. Ikinundisyon muna niya ang kaniyang sarili bago muling iminulat unti-unti ang kaniyang mga mata. Nang masanay sa liwanag ang kaniyang paningin ay napakurap-kurap siya.
Binuksan din niya ang bintana para pumasok ang preskong hangin sa kaniyang silid. Nakasuot pa siya ng night gown na siyang ipinangtulog niya kagabi. Pagkuwan ay hinayon ang french door na konektado sa terrace ng kaniyang silid. Nang makalabas sa terrace ay naglakad siya papunta sa may unah
