DAHIL mas naunang kumain ng almusal ang kanilang mga magulang kaya naman mas nauna ring matapos ang mga ito. Hindi na rin nagtagal pa sa may hapagkainan. Ang ama niya ay sinamahan ng ama ni Kirst para kunin ang gagamitin ng mga ito sa pamimingwit. Ang kaniya namang ina ay inaya na rin ang mama ni Kirst sa greenhouse nito.
Silang tatlo nina Niña at Kirst ang naiwan sa may breakfast table. Pero mukhang nawalan na ng gana si Niña kaya tumayo na rin ito pagkainom nito sa juice nito at nilisan ang kinaroroonan nila. Siya namang pasok ng mga kawaksi para alisin ang pinagkainan ng mga umalis sa hapagkainan. Hindi rin naman nagtagal ang mga ito roon at umalis din.
Bahagyang tumikhim si Kirst. “Puwede na sigurong magsalita,” anito kapag kuwan.
Paubos na rin naman ang pagkain ni Nastya sa kaniyan
