PAKIRAMDAM ni Nastya ay lumulutang siya habang naglalakad sa pasilyo. Dahil na rin sa kaalaman na nasa likuran lang nila ng mga bata si Kirst. Ano kaya ang iniisip nito ngayon na nakita na nito ang tatlong anak nila? Bahagya niyang nakagat ang ibabang-labi upang pigilan ang pag-uulap ng kaniyang mga mata.
“Doon sa CR na hindi masyadong gamit ng mga guest ang ipagamit mo sa mga bata,” ani Kirst kapagkuwan. “For safety,” dagdag pa nito.
Tumango si Nastya. “Okay.”
Nilampasan nila ang CR na naraanan. Iyon ang banyo na ginagamit ng mga naroong guest. Pagkuwan ay hinayon ang entertainment room, may banyo sa loob niyon.
Dahil iisa lang ang CR doon kaya pinauna muna niyang gumamit sina Christine at Kirslynn. Nang matapos ang dalawang kambal na babae ay binuksan na niya ang pinto ng banyo. Nasa
