SOBRANG lakas ng buhos ng ulan nang saktong makaalis sila kanina sa bahay nina Ron. Mission complete. Walang pagsidlan ang ligaya ng nanay ni Ron dahil sa mga dala nila at offer nila tungkol sa pag-aaral ng mga anak nito na hindi na nito poproblemahin pa hanggang sa makatapos ang mga bata.
Ngayon pa lang ay s-in-ecured na ni Kirst, kay Inang Flor, ang pag-aaral ng mga bata hanggang sa koleheyo. Hiniling din niya sa ginang na mas tutukan ni Ron ang pag-aaral para makatapos ito at mas magkaroon ng magandang future. Ganoon din ang mga kapatid nito.
Abot-langit ang pasasalamat ng mga ito nang umalis sila roon. Nangako rin siya na babalik uli doon.
Mabigat na rin ang dala-dalang ulanin ng kalangitan. At sakto nga na kalalayo lang nila ay bumuhos na ang malakas na ulan. Na halos magpaabo sa b
