MAINGAT na binuksan ni Nastya ang pinto sa silid ng kanilang mga anak ni Kirst. Bahagya pa niyang inilusot ang ulo sa siwang ng pinto para silipin kung gising na ba ang mga bata. Pero nananatiling tahimik sa loob. Nang humayon ang tingin niya sa tatlong kama ay mga tulog pa nga ang mga kambal. Maliwanag na sa loob dahil nakahawi na ang heavy curtain sa may bintana. Pumapasok na ang liwanag na nagmumula sa haring araw.
Niluwagan na niya ang pagkakabukas ng pinto para makapasok siya. Nang makapasok din sa loob si Kirst ay ito na ang maingat na nagsara ng pinto. Nang maisara ay sabay pa nilang hinayon ang kinaroroonan ng tatlong bata. Sa unang kama na mararaanan ay ang higaan ni Kirstian.
Malawak ang naturang silid. Ang mga kama ng tatlong bata ay pawang pang dalawahan ang size. Naka-custom
