NAGULAT si Chrislynn nang magpaalam sa kaniya si Maryey na uuwi na muna nang gabing iyon ang mag-anak na Delavin sa bahay ng mga ito sa Phase III ng Valle Encatado Village at siyang nasa bungad ng UHB Leisure Club. May trabaho na raw kinabukasan si Sergio kaya kailangan ng bumalik ng mga ito sa village. At siya, napagdesisyonan ng mga ito na manatili muna roon. Kahit hindi kasama ang mga ito.
Inilagay ni Maryey sa kamay ni Chrislynn ang isang kulay itim na may gold na card. “Anything na babayaran mo rito sa Leisure Club ay ‘yan lang ang gagamitin mo. Just enjoy the whole week, Chrislynn. Kung hindi mo bet na mag-stay rito sa suite, dahil malaki ito, puwede kang magpalipat anytime,” suhistiyon pa nito.
“Alam naman namin na mas mag-e-enjoy ka ngayon dito,” makahulugan pang wika ni Sergio n
