MULA SA guwapong mukha ni Kirst ay sunod na inilipat ni Chrislynn ang tingin sa ilog. Tutok na tutok kasi ang mga mata ni Kirst sa tubig. At simula nang dumating sila roon kanina, katulad niya noong una, ay na-amazed din ito ng husto sa ganda roon.
“Babe, baka mamaya ay bigla ka na lang tumalon sa tubig,” biro niya sa nobyo.
Saka lang nagawang magbaling ng tingin ni Kirst sa kaniya. Napangiti ito sa kaniyang sinabi. “No wonder, gustong-gusto mo rito. Napakaganda rito, babe,” anito na inakbayan siya at lalong hinapit palapit dito. “Bagay na bagay ‘yong katahimikan sa buong lugar.”
“Masarap mag-self meditate rito.”
“Agree,” sang-ayon ni Kirst sa sinabi niya. Pagkuwan ay muling ibinalik ang tingin sa ilog.
Inihilig naman ni Chrislynn ang ulo sa may matipunong braso ni Kirst. Masaya siya
