HINDI yata mapalis ang ngiti sa mga labi ni Chrislynn nang makita ang sinasabi ni Kirst kagabi na pupuntahan nila ngayong umaga.
Humantong sila sa may Lakeside Cafe na nasa may Sunken Garden ng UHB Leisure Club. Man made lang ang lake na naroon na may mga dancing water fountain pa sa gitnang bahagi na nakakatuwang pagmasdan. Sa gabi raw ay may ibat-ibang ilaw iyon na isa sa attraction ng man made na lake.
Sa gilid kasi ng lake ay may naka-setup na lamesa para sa isang breakfast date. Napaka-romantic ng ambience dahil na rin mismo sa paligid na maraming puno at halaman. May mga malalaking puno sa gilid ng lake na may mga nakalawit pang baging sa mga sanga niyon.
“Like it here?” ani Kirst nang makaupo si Chrislynn sa bangkong hinila nito para sa nobya.
Nakangiti pa rin si Chrislynn nang
