TULUYAN ng napamulat si Kirst nang makapa ng kaniyang kamay sa kama na wala na siyang katabi. Pupungas-pungas pa na nagmulat siya ng mga mata at tumingin sa paligid ng suite. Malaking silid lang iyon na naroon na lahat. Napilitan siyang bumangon nang makitang alas syete na nang umaga sa orasan na naroon.
“Babe,” tawag niya kay Chrislynn. Walang tugon mula sa kaniyang nobya.
Bumaba siya sa kama at hinayon ang banyo. Pagbukas niya sa pinto ay wala naman siyang makitang tao roon. Lumabas ba si Chrislynn? Imposible, palagi silang sabay na lumalabas sa umaga.
Pumasok siya sa loob ng banyo at ipinasya na ring maligo. Ngunit tapos na lamang siya at lahat na maligo at magbihis ay hindi pa rin ito bumabalik.
Marahas na nagpakawala ng buntong-hininga si Kirst.
“Where are you, babe?” anas pa niy
