LORABEL
Napakabagal lumipas ng oras, pero kahit may bahagi ng isipan ko ang naalala si Uncle Zarex, tiniis kong huwag magtanong kay Brando ng kahit anong balita tungkol sa kaniya.
Sa tingin ko, kailangan ko munang mag-isip at makalayo sa kaniya. Masyado nang maraming nangyari sa akin simula nang nakilala ko siya. Naging dependent na ako sa kaniya at naging mas mahina pa ako.
“Belle, gusto mo bang pag-usapan ang nangyari kanina?” narinig kong tanong ni Brando.
Nag-angat ako ng aking ulo at marahang umiling. Tumango naman si Brando. Mukhang kahit hindi ako magsalita ay nauunawaan ako ng kaibigan ko.
Nagpapasalamat ako na kasama ko siya sa mga oras na ito. Baka lalo lamang akong nauwi sa pagsi-self-pity kung mag-isa lang ako.
“Sige, magpahinga ka muna,” sabi ni Brando sa akin.
Sinamah
