LORABEL
Wala si Uncle Zarex sa tabi ko nang magising ako. Tahimik ang buong silid, at tanging ang lampshade sa ulunan ko ang liwanag sa paligid ko.
Bumungad sa paningin ko ang malaking larawan ko na nakasabit sa dingding sa paanan ng kama. Hanggang ngayon, hindi ko alam kung kailan ito kinuha ni Uncle Zarex dahil hindi naman ako nagtanong sa kaniya tungkol dito.
Nakalimutan ko na rin kasi siyang tanungin. Para bang naging normal na sa akin ang nakikita ko ito sa tuwing magmumulat ako ng aking mga mata dahil may kalakihan ang portrait ko.
Bumangon ako dahil naiihi ako. Nawala na ang pananakit ng aking ulo, pero nakakaramdam naman ako ng labis na pagkahilo, kaya mabagal ang bawat hakbang ko papunta sa banyo.
Napabuntonghininga ako nang lumabas ako ng banyo at bumungad sa paningin ko an
