LORABEL
Natigil ang kuwentuhan namin ni Jaja nang marinig naming naduduwal si Kuya Imran. Napatingin ako sa kaniya, kaya nakita ko siyang nakakunot ang noo at masama ang tingin niya kay Ate Kring.
“Ayos ka lang, Kuya Imran?” tanong ko sa kaniya.
Tiningnan niya si Ate Kring na para bang may gusto siyang sabihin. Nabasa ko ang akusasyon sa paraan ng kaniyang pagtitig sa mayordoma ni Uncle Zarex, pero hindi na niya nagawang magtanong dahil patakbo siyang umalis dito sa sala.
“Baliw talaga ang lalaking iyon,” nakasimangot na sabi ni Ate Kring.
“Hayaan mo na siya, Ate,” sabi ni Jaja. “Alam mo naman kung bakit nagkakaganyan si Kuya Imran.”
Umupo sa sofa si Ate Kring. Bigla niyang dinampot ang cake na nakalagay sa transparent na box at mabilis na sumubo.
Mukhang masama ang loob niya dahil
