LORABEL
Araw ng exam ngayon at gaya ng inaasahan namin, hindi naging madali para sa amin ang pagsusulit. Hindi ako matalino, pero masipag akong nag-aaral. Kahit sina Brando at Faye ay mga average student lang din gaya ko, kaya hindi na kami umaasa na makakakuha kami ng mataas na marka.
Si Brando naman, tamad talaga siyang mag-aral. Para bang tinatawid lang niya ang mga aralin kapag may exam kami, at gaya ngayon, gusto pang mangopya ng sagot, kaya palihim naming pinasilip sa kaniya ang aming test paper.
“Ang babait talaga ninyo.”
Abot-tenga ang ngiti ni Brando habang breaktime namin dahil nangopya siya sa amin.
“Siguradong papasa na ako nito kahit hindi ako nag-review kagabi,” narinig kong sabi ni Brando.
“Dalawang araw tayong walang pasok, Brando,” sabi ni Faye. “Anong ginawa mo ng
