LORABEL
Madaling araw na nang pumasok dito sa silid si Uncle Zarex. Gising pa ako nang bumukas ang pintuan at pumasok siya, pero hindi ako nagmulat ng aking mga mata.
Nagkunwari akong natutulog at hindi gumalaw kahit pa naririnig ko ang bawat kaluskos na likha ni Uncle Zarex kapag gumagalaw siya.
Palihim ko siyang sinilip, kaya nakita ko na hinubad niya ang suot na damit, pati na ang sapatos bago pumasok sa banyo. Hindi nagtagal, narinig ko ang tunog ng lagaslas ng tubig, katunayan na naliligo na siya.
Napapikit ako at napabuntonghininga. Ngayon lang kami nag-away ni Uncle Zarex, pero hindi ako mapakali dahil nakokonsensya ako sa mga sinabi ko kanina. May bahagi ng isipan ko ang nagsasabi na tama lang ang ginawa ko dahil sinigawan niya ako.
Matagal na nanatili sa loob ng banyo si Unc
