LORABEL
Maaga pa lang ay nagising na ako, pero malungkot ako nang hindi ko makita, pagmulat ko ng aking mga mata, si Zarex. Umasa kasi ako na makikita ko siya paggising ko dahil iyon ang sabi ni Adi sa akin kahapon.
Ngayong araw daw makakalabas sa kulungan si Zarex, kaya umasa ako na nakauwi na ang aking asawa, pero wala siya dito sa silid nang magising ako.
Nakalimutan ko rin kasing tanungin si Adi kung anong oras makakauwi ngayong araw ang asawa ko. Excited ako kahapon nang nalaman kong makakalaya na si Zarex, kaya hindi ko na naisip itanong sa pinsan ko ang tungkol sa bagay na iyon.
Napatingin ako sa telebisyon, kaya nakita kong naglalaro ang mga anak ko sa loob ng nursery room. Maaga silang nagigising sa umaga, kaya gising na sila ng ganitong oras.
Sandali kong pinanood ang mga a
