LORABEL
Hindi muna pinapasok ni Daddy Evan si Zarex sa opisina niya habang nahahanda kami para sa araw ng aming kasal. Siya muna ang pansamantalang pumalit sa asawa ko sa mga hawak niyang negosyo dahil mukhang na-phobia na si Zarex dahil sa mga nangyari noon, kaya para siyang masunuring bata na sumusunod sa gusto ng kaniyang mga magulang.
Ang aking ina at si Mommy Cassandra, ay parehong abala ngayon. Sila ang kausap ng wedding coordinator at planner na kinuha ni Mommy. Ako ang pumili ng kulay ng motif sa kasal ko dahil tinanong nila ako kung ano ang paborito kong kulay.
Kasama kong pumili ng trahe-de-boda si Zarex. Pinapunta ni Adi dito sa bahay ang pinsan niyang si Danaya Miller, kaya nakilala ko siya dahil siya pala ang may-ari ng sikat na bridal boutique na laging nakikita ko sa mga
