LORABEL
“Ang ganda-ganda mo, anak ko.”
Naluluhang niyakap ako ni Mommy at hinalikan sa noo. Bakas ang emosyon sa kaniyang mga mata, ganoon din sa kaniyang ekspresyon habang nakatingin sa akin.
Suot ko ang trahe-de-boda ko. Katatapos lang ikabit sa ulo ko ang mahabang belo nang lumapit sa akin si Mommy at may inabot siyang isang kahon.
“For you, Belle,” emosyonal niyang sabi sa akin. “Regalo namin ito sa iyo ng Daddy mo.”
Inabot ko ang kahon at binuksan ito. Isang set pala ito ng alahas, kasama ang kwintas, hikaw, at may singsing pa. Kahit hindi ako magtanong kay Mommy, alam kong mahal ang regalong binigay niya sa akin.
“Isuot mo, anak. Bagay sa iyo at sa damit mo ‘yan,” nakangiting sabi ni Mommy sa akin.
May alahas na binili sa akin si Zarex na dapat sana ay gagamitin ko ngayong a
