LORABEL
Dito kami kumain sa bahay dahil wala akong ganang lumabas. Hindi rin ako pinilit ni Uncle Zarex dahil alam niya na hindi maganda ang mood ko ngayon.
Tahimik kaming kumain. Sumabay na rin siyang magtanghalian dahil naging abala raw siya kanina sa paghahanap sa akin, kaya hindi pa pala siya nagtatanghalian.
Ilang ulit ko siyang nakitang pinagmamasdan ako habang kumakain, pero wala akong narinig na kahit ano mula sa kaniya. Tahimik din si Uncle Zarex at mukhang nakikiramdam sa akin dahil para bang natatakot siyang magsalita at hindi ko magustuhan ang kaniyang sasabihin, kaya iniiwasan niyang magalit ako ngayon.
“May gusto ka bang sabihin sa akin, babe?” narinig kong tanong ni Uncle Zarex habang naghuhugas ako ng mga pinggan.
Nakatayo siya sa tabi ko at pinapanood ang ginagawa ko
