LORABEL
Napakabagal lumipas ng oras. Bawat minuto ay binibilang ko dahil gusto ko nang gumabi para kapag natulog ako, ay nakauwi na dito sa bahay ang asawa ko.
Pinalinis ko kina Jaja ang silid namin ni Zarex dahil hindi na ako puwedeng gumawa nito ngayon. Maselan ang pagbubuntis ko at ang bilin sa akin ni doktor Chui ay huwag raw muna akong gumawa ng kahit ano, lalo na ang magbuhat ng mabigat dahil mahina pa ang aking katawan.
Inabala ko ang aking sarili sa pakikipaglaro sa aking mga anak. Ako muna ang nagbabantay sa kanila dito sa nursery room dahil inutusan ko rin sina May at Grasya na tulungan silang maglinis ng buong kabahayan sina Ate Kring at Jaja, kasama ang bago naming kasambahay.
Pumunta rin dito sa nursery room si Mommy. Magkatuwang naming inalagaan ang mga anak ko hanggang
