LORABEL
Araw-araw, umalis ang asawa ko papuntang opisina. Nasanay na rin ako dahil ganito naman ang routine ko. Hindi na ako nababagot dito sa bahay dahil kasama ko ang aming mga kasambahay, pati na rin ang mga anak ko, kaya abala rin ako.
Nandito na rin si Kuya Imran. Siya pa rin ang personal driver ko kahit marunong na akong magmaneho dahil kahit binigyan ako ng kotse ni Zarex ay wala pa akong driver's license, kaya hindi muna ako nagmamaneho.
Ayaw ko namang gumamit ng koneksyon ng asawa ko kahit mas mabilis sana iyon dahil hindi ko na kailangan pumunta sa LTO para kumuha ng driving license, dahil gusto kong dumaan kami sa tamang proseso.
Hawak ko ang aking cellphone dahil kausap ko si Brando at Faye sa group chat namin. Gustong pumunta dito sa bahay ang mga kaibigan ko, pero nagkas
