"ANG lalakas naman mg loob ninyong pasukin ang Hacienda De Sandoval. Alam n'yo bang ilang dekada na ito? At isa pa, ano ang problema n'yo at dito pa kayo naghasik ng kadiliman?!" nanghihina man dulot ng tama sa tagiliran ay nagawa pa ring sinabi ni Raven Andrew ang nilalaman ng isipan.
"Gag*! Wala akong pakialam kahit isang libong taon pa ito. Dahil kami na ang bagong may-ari!"
"Men, halughugin ninyo ang buong paligid. Sigurado akong nakatago ang batang iyon kaya't wala sa ating paningin!"
Sinipa na nga siya ng lalaki ay dinuraan pa. Pero wala iyon sa kaniya. Para sa tulad niyang bugbog sarado sa training noong kapanahunan niya sy kayang-kaya niyang tiisin ang pandudura at sipa nito. Kaso naalarma siya dahil binalingan nito ang asawang kapwa niya may tama. Iyon nga lang ay sa balikat.
