"HINDI ko tuloy alam kung ano ang aking sasabihin, Kuya, Ate. Sa laki ba naman ng pamilya natin ay hindi n'yo naisip na humingi ng tulong kahit sino sa kanila. Mga high ranking undercovers ang dalawa sa triplets. Idagdag pa ang Kuya General sa Camp Villamor," pahayag ni Gwyneth Pearl sa elder brother at hipag.
Napauwi naman kasi ang mga ito dahil sa nangyari sa Hacienda De Sandoval. Kahit nga ang quadruplets ng mga Tritts na pauwi na sana sa Africa ay nag-extend upang makatulong kahit sa anumang paraan daw. Mga alagad sila ng batas pero hindi maaring makialam sa batas ng bansang Pilipinas. Kaya nga ayon sa mga ito ay kahit sa anong paraan na lamang.
'We can help you, Auntie Lette, Papa Raven Andrew. But not about the law. Alam n'yo naman po na hindi kami maaring makialam sa batas ninyo r
