IRISH POV
NASA Funeral Chapel na kami, nauna kami rito kaysa kabaong ni Papa. Pinili naming dito iburol si Papa para magkaroon ng disenteng lamay siya kaysa rook sa bahay na sobrang sikip ang magiging pʼwesto niya.
Napangiti akong makitang nakaayos na ang harap na paglalagyan ng kabaong ni Papa. Pinili ni Mama ang mga bulaklak na laging binibigay ni Papa sa kanya, ang white rose, gumamela at ang iba ay bulaklak na para sa pampatay talaga.
“Ma, ang ganda ng ginawa nila. Paniguradong matutuwa si Papa nito.”
Hinawakan niya ang buhok ko. “Panigurado iyon, Irish. Matutuwa ang Papa mo.” Nakita ko ang pagngiti ni Mama, pero pilit lamang iyon.
Alam kong nasasaktan pa rin siya.
Alam kong hindi niya rin tanggap na wala na agad si Papa. Kaya pinipilit niyang magpakatatag para sa amin.
“Iren
