IRISH POV
NANDITO ako sa labas ng morgue. Pagkatapos ng isang oras na pag—iyak namin sa loob ng bahay ay pumunta na kami rito para kunan si Papa ng damit na masusuot niya sa lamay niya.
Ang bilis.
Hindi ko man lang nakausap si Papa ngayong araw, ni—hindi ko nga siya nakita dahil late akong nagising... Tapos kinuha naman siya agad sa amin.
Bakit naman ganoʼn? Hindi pa niya nakikita ang apo niya sa akin, kaya bakit kinuha agad siya ni Lord? Bakit kung sino pa ang mabait... Siya pa ang kinukuha?
Bakit kung sino pa ang maraming kasalanan? Buhay pa sila at nandito pa sila sa lupa? Sobrang kulang na ba ng Anghel sa itaas kaya kailangan kumuha ng taong mabait at inosente?
“Ate Irish, tissue?”
Napataas ang tingin ko nang makita ang pinsan kong si Ashton. Hinaplos niya ang aking likod.
Na
