ALAS-DOS y medya na ngunit hindi pa rin nila magawang matulog. Nakatitig siya sa aquarium habang pinipigilan ang sarili na lingunin ang lalaking nasa kaniyang tabi at mariing nakatitig sa kaniya.
Bumuntong-hininga siya bago ipinikit ang mga mata. Nang muling magmulat ay binalingan niya ng tingin si Atticus. Awtomatikong sumilay ang isang ngiti sa mga labi nito nang magtama ang mga mata nila.
"Bakit ka ba nakatingin? Hindi ako sanay sa ganiyan," nahihiya niyang sabi bago idinantay ang isang palad sa kabilang pisngi.
Natatawang hinawakan ng lalaki ang kamay niyang nasa pisngi niya at dinala iyon sa mga labi nito. Bigla siyang natigilan sa ginawa ng asawa. Tila may kuryenteng dumaloy mula sa mga labi nito patungo sa buong katawan niya.
"Wala ka pang regalo sa akin," anito mula sa mahina
