Bahagyang natigilan si Cielo. Mababakas ang sakit sa buong mukha at mga mata nito, pero makalipas lang ang ilang sandali, mabilis itong umiling. Tila ba nang-uuyam itong nginitian siya.
"Hindi mo magagawa iyon!" kumpiyansa nitong sabi at hinawakan ang sariling tiyan. "Ito ang pruweba ng pagmamahalan natin. Magkakaanak na tayo, Atticus." Mababakasan ng matinding katuwaan ang mga ngiting sumilay sa mga labi nito.
May ilang segundo siyang natigilan dahil sa tinuran ng dating asawa. Mula sa mukha nito, bumaba sa tiyan ng babae ang mga mata niya.
Natigilan naman ito nang makita siyang biglang umiling. "Desperada."
Naglaho ang ngiti sa mga labi nito dahil sa sinabi niya. Mabilis na nagsalubong muli ang dalawang kilay nito. Sa pagkakataong iyon, siya naman ang ngumiti na nang-uuyam.
"Anong a
