Mariing kumunot ang noo ni Cielo. Hindi makapaniwalang tinitigan siya nito sa mukha. "Ano ba iyang pinagsasabi mo!"
Mahigpit niya itong hinawakan sa magkabilang braso at malakas na itinulak sa pader para isandig doon.
"Hindi ako makapaniwalang... minsan kong minahal ang isang babaeng katulad mo." Nang-uuyam niya itong nginitian. "Maruming babae."
Umawang ang bibig ni Cielo, hindi makapaniwalang sinampal siya nito sa isang pisngi. Nginisian niya lamang ito bago iniwang mag-isa. Lumabas siya ng mansiyon at tumungo sa garahe para manatili sa loob ng kotse. Doon ay nahulog siya sa malalim na pag-iisip. Muli niyang pinag-isipan ang mga binabalak gawin, lalo na ang sitwasiyon nila ni Malina.
Makalipas ang halos kalahating oras ay nagdesisiyon na siyang bumalik sa itaas nang bigla siyang mat
